யாழ்.வீரர்களை இனங்காணும் கிரீடா சக்தி

(கவிசுகி)
விளையாட்டு அமைச்சின் அனுசரணையுடன் நாடு தழுவிய ரீதியில் நடைபெற்று வரும் கிரீடா சக்தி நிகழ்ச்சித் திட்டத்தின் கீழான சிறந்த வீர, வீராங்கனைகளை இனங்காணும்  நிகழ்வு நேற்று வெள்ளிக்கிழமை யாழ்.துரையப்பா விளையாட்டரங்கில் நடைபெற்றது.

யாழ்.மாவட்ட  பாடசாலை வீர, வீராங்கனைகள் பங்குபற்றும் இந்த நிகழ்வில் 14-18 வயதுக்குட்பட்ட வீர, வீராங்கனைகள் இனங்காணப்பட்டு அவர்களுக்கான பயிற்சிகள் தொடர்ந்து வழங்கப்படவுள்ளன.

இதில் வலைப்பந்து, கரப்பந்து, கபடி, கால்ப்பந்து, போன்ற விளையாட்டுக்களிலிருந்து சிறந்த வீர, வீராங்கனைகள் இனங்காணப்படவுள்னர்.
இனம்காணப்படும் வீர, வீராங்கனைகளுக்கு தொடர்ந்து 2018ஆம் ஆண்டுவரை பயிற்சிகள் வழங்கப்பட்டு அதன்மூலம் தேசிய அணிக்குள் அவர்களை உள்வாங்கும் நடவடிக்கைகள் மேற்கொள்ளப்படவுள்ளதாக போட்டி ஏற்பாட்டாளர்கள் தெரிவித்தனர்.