நாவற்குழி மகா வித்தியாலம் சம்பியன்

(கவிசுகி)

தென்மராட்சி வலயமட்ட பாடசாலைகளின் 18 வயதுப் பிரிவு அணிகளுக்கிடையிலான கால்ப்பந்தாட்டச் சுற்றுப்போட்டியின் இறுதியாட்டத்தில் நாவற்குழி மகா வித்தியாலய அணி சம்பியனானது.

வரணி மகா வித்தியாலயத்தில் நேற்று திங்கட்கிழமை நடைபெற்ற இந்த இறுதியாட்டத்தில் சாவகச்சேரி டிறிபேக் கல்லூரியை எதிர்த்து நாவற்குழி மகா வித்தியாலய அணி மோதிக்கொண்டது.

உற்சாகத்தோடு களமிறங்கிய இரு அணிகளும் கடும் போட்டி போட்டன. இருப்பினும் பின்கள வீரர்களின் சிறந்த ஆட்டத்தினால் இரண்டு அணிகளும் கோல் எதனையும் போட முடியாது தடுமாற முதல் பாதி ஆட்டம் சமநிலையயில் முடிந்தது.

இரண்டாம் பாதி ஆட்டத்திலும் இரு அணிகளாலும் கோல் எதனையும் பெறுமுடியவில்லை. பின்னர் ஆட்டத்தின் வெற்றி தோல்வியை நிர்ணயிக்க 5 சமநிலை தவிர்ப்பு உதைகள் வழங்கப்பட்டன.

இதில் நாவற்குழி மகா வித்தியாலயம் 5௪ என்ற கோல் கணக்கில் வெற்றியீட்டி வலயமட்ட சம்பியனானது. இந்தப் போட்டியில் சாவகச்சேரி இந்துக் கல்லூரி 3ஆம் இடத்தைப் பெற்றுக்கொண்டது.