துப்பாக்கி மீட்பு

 தீஷான் அஹமட் 

திருகோணமலை தலைமையப் பொலிஸ் பிரிவுக்குட்பட்ட பூம்பூகார் - பாலையூற்று பகுதியில் எஸ்.எம்.ஜீ ரக துப்பாக்கி ஒன்றிணையும் மூன்று மெகசின்களையும் விசேட அதிரடிப்படையின் உதவியுடன் திருகோணமலை பொலிஸார்  மீட்டுள்ளனர்.

குறித்த பகுதியைச் சேர்ந்த நபர் குடிநீர் இணைப்பு பெறுவதற்காக நிலைத்தை அகழ்ந்த போதே, துப்பாக்கி மற்றும் மெகசீன்கள் இருப்பதை கண்டு பொலிஸாருக்கு தகவல் வழங்கியுள்ளார்.

அதனையடுத்தே இவை மீட்கப்பட்டுள்ளன எனத் தெரிவித்த பொலிஸார், மேலதிக விசாரணைகளை மேற்கொள்வதாகவும் அறிவித்துள்ளனர்.