லொறி தீப்பற்றியதில் பொருட்கள் சேதம்

கொழும்பில் இருந்து காத்தான்குடிக்கு பொருட்களை ஏற்றிச் சென்ற லொறி ஒன்று வாழைச்சேனை நாவலடி பகுதில் வைத்து திடீரென தீப்பற்றி எரிந்துள்ள  சம்பவம்  புதன்கிழமை (15) அதிகாலை இடம்பெற்றுள்ளது .

கொழும்பில்  இருந்து  பொருட்களை ஏற்றிக் கொண்டு காத்தான்குடியை நோக்கி செவ்வாய்கிழமை (13)  இரவு பிரயாணித்த லொறியில் இருந்த பொருட்கள்  புதன்கிழமை (15) அதிகாலை 4.00 மணியளவில்  நாவலடி பகுதியில் வைத்து   திடீரென தீபற்றிக் கொண்டுள்ளது .

அதனையடுத்து ,லொறியை நிறுத்தி அப்பகுதி மக்கள் மற்றும் பொலிஸார் இணைந்து தீயை கட்டுப்பாட்டிற்கு கொண்டுவந்துள்ளனர் .

இதில் எடுத்துச் சென்ற பொருடகள் எரிந்து சேதமடைந்துள்ளதாகவும் இது தொடர்பான மேலதிக விசாரணைகளை மேற்கொண்டு வருவதாகவும் வாழைச்சேனை பொலிஸார் தெரிவித்துள்ளனர் .

கனகராசா சரவணன்