விமல் வீரவன்ஸ யாழ். செல்கிறார்

(சரண்யா)

தேசிய வீடமைப்பு அமைச்சர் விமல் வீரவன்ஸ தலைமையிலான குழுவினர் யாழ்.குடாநாட்டுக்கு இம்மாதம் 31 ஆம் திகதி செவ்வாய்க்கிழமை விஜயம் செய்யவுள்ளனர்.

அன்று காலை 9 மணிக்கு யாழ் குடாநாட்டுக்கு வருகைதரவுள்ள அமைச்சர் விமல் வீரவன்ஸ நாவற்குழியில் அமைக்கப்பட்டுவரும் புதிய வீட்டுத்திட்டம், குருநகர் தொடர்மாடிக் குடியிருப்பு  என்பவற்றுக்கு நேரடியாகச் சென்று நிலைமைகளை ஆராயவுள்ளார். இது தவிர தேசிய வீடமைப்புக் கடன் பெறுவதற்கு தெரிவு செய்யப்பட்டுள்ள பயனாளிகளுக்குரிய கடன் தொகையையும் அன்றைய தினம் அமைச்சர் விமல் வீரவன்ஸ வழங்கவுள்ளதாகவும் தெரிவிக்கப்பட்டுள்ளது.