ஊடக உத்தியோகஸ்தர்கள் அறுவர் விபத்தில் காயம்

மாத்தளை, கலேவெல பிரதேசத்தில் நடைபெற்ற வாகன விபத்தொன்றில் தொலைக்காட்சி நிறுவனமொன்றின் தயாரிப்பாளர் ஒருவர் உட்பட ஊடக உத்தியோகஸ்தர்கள்  6 பேர் காயமடைந்துள்ளனர்.

இவர்கள் பயணம் செய்த வான் மற்றொரு வாகனத்துடன் மோதியுள்ளது. மேற்படி வானின் வாகனத்தின் சாரதி உறக்கத்திலிருந்ததால் இந்த விபத்து ஏற்பட்டதாக கூறப்படுகிறது.

இவர்கள் யாழ்ப்பாணத்திலிருந்து கொழும்புக்கு திரும்பி கொண்டிருந்தபோது இவ்விபத்து ஏற்பட்டுள்ளது.

வானின் சாரதி உறக்க கலக்கத்தில் மற்றொரு தனது வானை வாகனத்துடன் மோதியபின் மின்கம்பமொன்றிலும் மோதியதாக தெரிவிக்கப்படுகிறது.

காயமடைந்தவர்கள் அப்பகுதி பிரதேச வாசிகளால் கலேவெல வைத்தியசாலையில் அனுமதிக்கப்பட்டனர். இது தொடர்பாக பொலிஸார் விசாரணைகளை நடத்தி வருகின்றனர்.