அங்குணகொலபெலஸ்ஸ சிறைச்சாலையில் ஐவருக்கு பணித்தடை

அங்குணகொலபெலஸ்ஸ சிறைச்சாலையில் பணியாற்றிவரும்  ஐவருக்கு பணித்தடை விதிக்கப்பட்டுள்ளது.

குறித்த சிறைச்சாலையில் தடுத்து வைக்கப்பட்டுள்ள கைதிகள், கோபுரத்தின் மேல் ஏறி அண்மையில் எதிர்ப்பு நடவடிக்கையில் ஈடுபட்ட சம்பவம் தொடர்பில், கடமையை மீறிய குற்றச்சாட்டின் அடிப்படையில், குறித்த அதிகாரிகளுக்கு பணித்தடை விதிக்கப்பட்டுள்ளது.

இந்த சம்பவம் தொடர்பில், ஒழுக்காற்று நடவடிக்கை மேற்கொள்ளப்பட்டதற்கு அமைய, இத்தகைய தீர்மானம் எடுக்கப்பட்டுள்ளதாக, சிறைச்சாலைகள் ஊடகப் பேச்சாளர் துஷார உபுள்தெனிய தெரிவித்துள்ளார்.