அட்டலுகம பாடசாலையொன்றிலிருந்து காவியுடைகள் மீட்பு

பண்டாரகம-அட்டலுகம, ஜய​கொடி கந்த  மற்றும் மாராவ பிரதேசங்களில் இன்று (28) முன்னெடுக்கப்பட்ட சோதனை நடவடிக்கையின் போது, ஆரம்ப பாடசாலை வளாகத்திலிருந்து 7 காவியுடைகள், வாள் என்பவை மீட்கப்பட்டுள்ளன.

அத்துடன் குறித்த பாடசாலையின் அதிபர் உள்ளிட்ட மூவர் கைதுசெய்யப்பட்டுள்ளதாகவும் தெரிவிக்கப்படுகின்றது.

இதேவேளை  குறித்தப் பிரதேசத்திலுள்ள மரத் தொழிற்சாலையொன்றிலிருந்து  பைபிள், காவியுடைகள் 34, காவியுடைக்கான துணிகள் என்பன மீட்கப்பட்டுள்ளன.

பாணந்துறை பொலிஸ் பிரிவுக்குட்பட்ட சகல பொலிஸ் நிலையங்களின் அதிகாரிகள், இராணுவத்தினர் இணைந்து இச்சோதனை நடவடிக்கையினை முன்னெடுத்தமை குறிப்பிடத்தக்கது.