அமைச்சர் ராஜிதவுக்கு எதிராக பத்து இலட்சம் கையெழுத்துகள்

சுகாதார அமைச்சர் ராஜித சேனாரத்னவின் செயற்பாடுகளுக்கு எதிர்ப்பைத் தெரிவித்து, பத்து இலட்சம் கையெழுத்துகளுடனான மனுவொன்றை முன்வைக்க அரச வைத்திய அதிகாரிகள் சங்கம் தீர்மானித்துள்ளது.

இது தொடர்பில் பொதுமக்களிடம் கையெழுத்து பெறும் முதற் கட்ட நடவடிக்கை களுத்துறை மாவட்டத்திலிருந்து ஆரம்பிக்கப்படுமென, அரச வைத்திய அதிகாரிகள் சங்கத்தின் உதவிச் செயலாளர் வைத்தியர் ஹரித அளுத்கே தெரிவித்துள்ளார்.

அத்துடன் சுகாதார அமைச்சர் ராஜித சேனாரத்ன தொடர்பில் எழுந்துள்ள குற்றச்சாட்டுகள் குறித்து, உலக சுகாதார ஸ்தாபனத்திடம் முறையிடவுள்ளதாகவும் அவர் தெரிவித்துள்ளார்.