அரச கரும மொழிகள் வாரம் ஆரம்பம்

அரசமைப்பில் ஏற்றுக்கொள்ளப்பட்டு, இதுவரை உரிய முறையில் நடைமுறைப்படுத்தப்படாத அரச கரும  மொழிகள் கொள்கையை செயற்படுத்துவதற்காக, இன்றிலிருந்து அரச கரும மொழிகள் வாரமாக அறிவிக்கபட்டுள்ளதாக, அமைச்சர் மனோ கணேசன் தெரிவித்துள்ளார்.

இன்றிலிருந்து 5ஆம் திகதி வரை  ஏற்பாடு செய்யப்பட்டுள்ள பல நிகழ்வுகளில் இன்று முதலாவது நிகழ்வு பண்டாரநாயக்க சர்வதேச மாநாட்டு மண்டபத்தில் ஜனாதிபதி மைத்திரிபால சிறிசேன தலைமையில் நடைபெறவுள்ளது.

இரண்டாவது நிகழ்வு நாளை கொழும்பு- இசிபத்தான பாடசாலையிலும் 3ஆம் நாள் நிகழ்வு பொதுமக்கள் தினம் என  பெயரிடப்பட்டுள்ளதுடன் அன்றைய தினம் கொழும்பு- கோட்டை பிரதேசத்தில் பல்வேறு நடவடிக்கைகள் முன்னெடுக்கப்படவுள்ளதாகவும் அறிவிக்கப்பட்டுள்ளது.

அமெரிக்கா, கனடா, ஐரோப்பிய ஒன்றியம் என்பன இந்த நடவடிக்கைகளுக்கு நிதியுதவி வழங்கியுள்ளதாகவும் அமைச்சர் தெரிவித்துள்ளார்.