’’கொழும்பு போர்ட் சிட்டியில் ஆண்ணின் சடலம் மீட்பு

கொழும்பு துறைமுக பொலிஸ் பிரிவிற்குட்பட்ட துறைமுக நகர (Port City) வளாகத்திலுள்ள போர்ட் ஹார்பர் நிறுவனத்திற்கு அருகிலுள்ள கடற்பரப்பில் ஆண் ஒருவரின் சடலம் ஞாயிற்றுக்கிழமை (01) காலை மீட்கப்பட்டுள்ளது.

வல்வெட்டித்துறை பகுதியைச் சேர்ந்த 24 வயதுடைய இளைஞரே இவ்வாறு சடலமாக மீட்கப்பட்டுள்ளார்.   

துறைமுக நகரத்தில் சனிக்கிழமை (28) இரவு நடைபெற்ற இசை நிகழ்ச்சியில் கலந்துகொள்வதற்காக குறித்த இளைஞன் வருகை தந்திருந்தமை பொலிஸாரின் ஆரம்பக்கட்ட விசாரணைகளில் தெரியவந்துள்ளது.

மரணத்திற்கான காரணம் இதுவரை கண்டறியப்படாத நிலையில், சடலம் மீதான மரண பரிசோதனைகள் முன்னெடுக்கப்படவுள்ளன.

கொழும்பு துறைமுக பொலிஸார் இது தொடர்பாக மேலதிக விசாரணைகளை மேற்கொண்டு வருகின்றனர்.