‘ இன்னும் தீர்மானிக்கவில்லை ‘

அமைச்சர் ரிஷாட் பதியுதீனுக்கு எதிராக, சபாநாயகரிடம் கையளிக்கப்பட்டுள்ள நம்பிக்கையில்லாப் பிரேரணைக்கு ​ஆதரவளிப்பது குறித்து, இன்னும் தீர்மானிக்கப்படவில்லை என ஸ்ரீ லங்கா சுதந்திரக்கட்சியின் தேசிய அமைப்பாளர் துமிந்த திசாநாயக்க தெரிவித்துள்ளார்.

இன்று கட்சியின் தலைமையகத்தில் இடம்பெற்ற ஊடகவியலாளர் சந்திப்பில் கலந்துக்கொண்டு கருத்துத் தெரிவித்தப் போதே, மேற்கண்டவாறு தெரிவித்துள்ளார்.

இந்த விடயம் தொடர்பில் கட்சி என்ற ரீதியில் நீண்ட கலந்துரையாடலை முன்னெடுத்தே, தீர்மானம் எடுக்க எதிர்பார்ப்பதாகவும் தெரிவித்துள்ளார்.

குறித்த நம்பிக்கையில்லாப் பிரேரணையைக் கொண்டு வந்துள்ள எதிர்க்கட்சிக்குள் இரண்டு நிலைபாடு காணப்படுவதாகவும் அவர் தெரிவித்துள்ளார்.