இரண்டு நாள்களில் 156 தேர்தல் முறைப்பாடுகள்

கடந்த 2 நாட்களில் ஜனாதிபதி தேர்தல் தொடர்பான 156 முறைப்பாடுகள் இலங்கை தேர்தல்கள் ஆணைக்குழுவிடம் முன்வைக்கப்பட்டுள்ளன.

வன்முறை மற்றும் அச்சுறுத்தல் சம்பவங்கள் மூன்று கிடைக்கப்பெற்றுள்ளதாக இலங்கை தேர்தல்கள் ஆணைக்குழு தெரிவித்துள்ளது.

அத்துடன், தேர்தல் சட்டங்களை மீறியமை தொடர்பில் 153 முறைப்பாடுகள் கிடைத்துள்ளன.

நேற்று (09) பிற்பகல் 4.30 மணியுடன் நிறைவடைந்த 24 மணித்தியாலங்களில் தேர்தல் முறைப்பாடு முகாமைத்துவ நிலையத்துக்கு 93 முறைப்பாடுகள் கிடைக்கப்பெற்றுள்ளன.