இரத்தினபுரி சென்ற சு.கவினருக்கு எதிர்பாரா தீர்மானம்

முன்னாள் ஜனாதிபதி மஹிந்த ராஜபக்ஷவின் தலைமையில் இரத்தினபுரியில் நடைபெற்ற, ஒன்றிணைந்த எதிரணியின் மக்கள் கூட்டத்தில் கலந்துகொண்ட, ஸ்ரீ லங்கா சுதந்திரக் கட்சியின் உறுப்பினர்களுக்கு எதிராக, எந்தவொரு ஒழுக்காற்று நடவடிக்கையும் எடுக்கப்போவதில்லை என்று, அக்கட்சியின் பொதுச் செயலாளர் அமைச்சர் துமிந்த திசாநாயக்க கூறினார்.  

மக்கள் கூட்டமொன்றில் கலந்துகொள்வதென்பது, கட்சியின் விதிமுறைகளை மீறிய சம்பவமாகக் கருதப்படாது என்றும் அவ்வாறு கலந்துகொண்டவர்களுக்கு எதிராக ஒழுக்காற்று நடவடிக்கை எடுப்பதென்பது தகாத காரியமென்றும், அமைச்சர் திசாநாயக்க மேலும் கூறினார்.