’இலங்கையின் பாதுகாப்பு உறுதி’

இலங்கையிலுள்ள அனைத்து ஐ.எஸ் பயங்கரவாத அமைப்பைச் சேர்ந்தவர்களும் கைது செய்யப்பட்டுள்ளமையால், இலங்கையின் பாதுகாப்பு உறுதி செய்யப்பட்டுள்ளது என்றும் கைது செய்யப்பட்டவர்களுக்கு எதிராக, கடுமையான சட்டம் அமுப்படுத்தப்பட்டுள்ளது என்றும், பிரதமர் ரணில் விக்கிரமசிங்க தெரிவித்துள்ளார்.

காலியில் இடம்பெற்ற நிகழ்வொன்றில் கலந்துகொண்டு, உரையாற்றும்​போதே, அவர் மேற்கண்டவாறு தெரிவித்தார்.

அங்கு ​அவர் தொடர்ந்து உரையாற்றுகையில்,

பொலிஸ், புலனாய்வுப் பிரிவினரின் அறிக்கைகளை தற்போது பெற்றுக்கொண்டுள்ளதாகவும் ஏப்ரல் 4ஆம் திகதியே குண்டுத்தாக்குதல் தொடர்பாக எச்சரிக்கை விடுக்கப்பட்டும், அது கவனத்தில் கொள்ளப்படவில்லை என்று கண்டறியப்பட்டுள்ளது என்றும் அவர் தெரிவித்துள்ளார்.