‘ஐ.தே.கட்சியின் தேர்தல் விளம்பரங்கள் அடுத்த மாதம் ஆரம்பம்’

ஐக்கிய தேசியக் கட்சியின்  தேர்தல் விளம்பரங்கள் ஜூலை மாதம் முதலாம் திகதியிலிருந்து ஆரம்பிக்கப்படுமென, ஐக்கிய தேசியக் கட்சியின் பொதுச் செயலாளர் அமைச்சர் அகிலவிராஜ் காரியவசம் தெரிவித்துள்ளார்.

பிரதமர் ரணில் விக்ரமசிங்க தலைமையில், அலரிமாளிகையில் இடம்பெற்ற அமைச்சர்களுடனான கலந்துரையாடலின் போதே, அமைச்சர் மேற்கண்டவாறு தெரிவித்துள்ளார்.

எதிர்வரும் நாள்களில் நடைபெறவுள்ள அனைத்து தேர்தல்களுக்கும் முகங்கொடுப்பதற்காக, விளம்பர நிகழ்வுகளை ஆரம்பிக்க அடுத்த மாதம் முதலாம் திகதியிலிருந்து ஆரம்பிக்க அனைவரும் இணக்கம் தெரிவித்துள்ளதுடன், குறித்த வேலைத்திட்டத்தை நடைமுறைப்படுத்துவதற்காக அமைச்சர்களான ருவன் விஜேவர்தன, ராஜித சேனாரத்ன, அகிலவிராஜ் காரியவசம், நாடாளுமன்ற உறுப்பினர் முஜிபுர் ரஹ்மான் ஆகியோரை உள்ளடக்கிய குழுவொன்று நியமிக்கப்பட்டுள்ளதாகவும் தெரிவிக்கப்படுகின்றது.