கட்சி அலுவலகம் மீது தாக்குதல்; அறுவர் கைது

கட்டுநாயக்க ​பொலிஸ் பிரிவிற்குட்பட்ட வல்பொல- அடிஅம்பலம பகுதியிலுள்ள வீடொன்றில் நடத்திச் செல்லப்பட்ட, புதிய ஜனநாயக முன்னணியின் கட்சி அலுவலகம் மீது நேற்று இரவு தாக்குதல் சம்பவம் ஒன்று மேற்கொள்ளப்பட்டுள்ளது.

அத்துடன், இச்சம்பவம் தொடர்பில், ஸ்ரீ லங்கா பொதுஜன பெரமுனக் கட்சியைச் சேர்ந்த 6 ஆதரவாளர்கள் கைதுசெய்யப்பட்டுள்ளனரென்றும் கட்டுநாயக்க பொலிஸார் தெரிவிக்கின்றனர்.

சந்தேகநபர்கள் கார், மோட்டார் சைக்கிள் இரண்டில் வருகைத் தந்தே, இந்தத் தாக்குதலை முன்னெடுத்துள்ளனரென்றும், இத்தாக்குதலால் குறித்த வீட்டு உரிமையாளரும் அவரது மனைவியும் காயமடைந்து, வைத்தியசாலையில் அனுமதிக்கப்பட்டுள்ளனரென்றும் ​பொலிஸார் தெரிவிக்கின்றனர்.