கொடகவெலயில் விபத்து- 19 பேர் வைத்தியசாலையில் அனுமதி

கொடகவெல-கலஹிட்டிய பகுதியில், தனியார் பஸ் ஒன்று, நிறுத்தி வைக்கப்பட்டிருந்த கனரக வாகனம் ஒன்றின் மீது  மோதுண்டு விபத்துக்குள்ளானதில், பஸ்ஸில் பயணித்த 19 பேர் காயமடைந்த நிலையில், கொடகவெல வைத்தியசாலையில் அனுமதிக்கப்பட்டுள்ளனரென, இரக்குவானை பொலிஸார் தெரிவித்தனர்.

இந்த விபத்து நேற்று (23)இரவு 8 மணியளவில் இடம்பெற்றுள்ளது.

அவிசாவளை பகுதியில் இடம்பெற்ற திருமண நிகழ்வொன்றில் பங்கேற்று, மாத்தறை நோக்கி பயணித்தவர்களே, இவ்வாறு விபத்தை எதிர்நோக்கியுள்ளனர்.

விபத்தில் காயமடைந்த ஐவர், மேலதிக சிகிச்சைக்காக, கலவான வைத்தியசாலைக்கு மாற்றப்பட்டுள்ளனர்.