’கோட்டாவுக்கு முடியாது’

அமெரிக்க பிரஜா உரிமை கொண்டிருக்கும் பாதுகாப்பு அமைச்சின் முன்னாள் செயலாளர் கோட்டபாய ராஜபக்ஷ, தேர்தலில் போட்டியிட முடியாது என ஒன்றிணைந்த எதிரணியின் நாடாளுமன்ற உறுப்பினர் குமார வெல்கம தெரிவித்துள்ளார்.

களுத்துறையில் நடைபெற்ற நிகழ்வொன்றில் கலந்துகொண்டு ஊடகவியலாளர்கள் எழுப்பிய கேள்விக்கு பதிலளிக்கும்போதே அவர் மேற்கண்டவாறு தெரிவித்துள்ளார்.

இதன்போது மேலும் தெரிவித்த அவர், குடும்ப ஆட்சியை தான் கடுமையாக எதிர்ப்பதாகவும், முன்னாள் ஜனாதிபதி மஹிந்த ராஜபக்ஷவின் குடும்பத்திலிருந்து மஹிந்த மாத்தி​ரமே மீண்டும் ஜனாதிபதியாக வர வேண்டும் என்று விரும்புவதாகவும் தெரிவித்துள்ளார்.