கீதாவின் எம்.பி பதவி இரத்து: பியசேனவுக்கு வாய்ப்பு?

நாடாளுமன்ற உறுப்பினர் கீதா குமாரசிங்கவின் நாடாளுமன்ற உறுப்புரிமை இரத்து செய்யப்படும் அபாயம் நிலவுவதாக அரசியல் வட்டாரத் தகவல்கள் தெரிவிக்கின்றன.

சுவிட்சர்லாந்து மற்றும் இலங்கைக்கான இரட்டைக் குடியுரிமையை கீதா குமாரசிங்க பெற்றுள்ளதாலேயே அவரது எம்.பி பதவி ரத்தாகும் வாய்ப்பு இருப்பதாக மேற்படி அரசியல் வட்டாரத் தகவல்கள் குறிப்பிடுகின்றன.

கீதாவின் எம்.பி பதவி இரத்தாகும் பட்சத்தில், விருப்பு வாக்குகளின் பட்டியலில் அடுத்த இடத்தில் உள்ள பியசேன கமகே, நாடாளுமன்ற உறுப்பினராகும் வாய்ப்பு உள்ளது. இந்நிலையில், இது தொடர்பில் கண்டறிவதற்கான நடவடிக்கைகளை உரிய தரப்பினர் மேற்கொண்டு வருவதாக தெரிவிக்கப்படுகின்றது.

எவ்வாறாயினும், சுவிட்சர்லாந்துக்கான பிரஜாவுரிமையை தான் ஏற்கெனவே நீக்கிக்கொண்டுள்ளதாக கீதா குமாரசிங்க தெரிவித்துள்ளார்.