சித்திரைப் போட்டிகளை நடத்துவதா, இல்லையா? அடுத்த வாரம் முடிவு

   கொவிட்- 19 நோய் பரவலுக்கு மத்தியில், இம்முறை சித்திரைப் புத்தாண்டு விளையாட்டுப் போட்டிகளை நடத்துவதா, இல்லையா என்பது தொடர்பில், அடுத்த வாரம் தீர்மானிக்கப்படுமென, கொவிட்- 19 நோய்தொற்றொழிப்பு தேசிய செயற்பாட்டு மையத்தின் தலைவர் இராணுவத் தளபதி ஜெனரல் ஷவேந்திர சில்வா தெரிவித்துள்ளார்.

நாட்டில் காணப்படும் கொவிட்- 19 நோய்த் தொற்றுப் பரவலின் தற்போதைய நிலைமையைக் கருத்திற்கொண்டே, இந்தத் தீர்மானம் எடுக்கப்படும் என்றும் அவர் குறிப்பிட்டுள்ளார்.

சித்திரைப் புத்தாண்டுக் கொண்டாட்டங்கள் மற்றும் அதனையொட்டி நடத்தப்படும் விளையாட்டுப் போட்டிகளை, கொவிட்- 19 நோய்த் தொற்றுப் பரவலுக்கு மத்தியில் நடத்த முடியுமா என்று ஆராய்ந்து அறிவிக்குமாறு, சுகாதார சேவைகள் பணிப்பாளர் நாயகத்திடம், கொவிட்-19 நோய்த் தொற்றொழிப்பு தேசிய செயற்பாட்டு மையம் கோரியுள்ளது என்றும் அதன்படி, இந்தக் கோரிக்கை தொடர்பில் ஆராயுமாறு, தொழில்நுட்பக் குழுவிடம் ஒப்படைக்கப்பட்டு உள்ளதாகவும், இராணுவத் தளபதி தெரிவித்துள்ளார்.