சீனாவின் உதவியுடன் திட்டங்கள் முன்னெடுக்கப்படும்

சீன உதவியுடனான உட்கட்டமைப்புத் திட்டங்களை, இலங்கையில் முன்னெடுப்பதற்கு அரசாங்கம் தீர்மானித்துள்ளதாகவும் அதனுள் கொழும்பு துறைமுக நகரத்திட்டமும் உள்ளடங்குவதாகவும் பிரதமர் ரணில் விக்கிரமசிங்க தெரிவித்துள்ளார்.

வெளிநாட்டு ஊடகமொன்றுக்கே அவர் மேற்கண்டவாறு தெரிவித்துள்ளார்.

'சீன உதவியுடமான கொழும்பு துறைமுகத்திட்டத்தை முன்னெடுப்பதற்கு நாம் தீர்மானித்துள்ளோம். இது முதலாவது திட்டமாகும். அடுத்ததாக, ஹம்பாந்தோட்டை துறைமுகத் திட்டத்தை முன்னெடுக்கவுள்ளோம்' என்று அவர் தெரிவித்துள்ளார்.

'ஆசியாவிலேயே மிகவும் சக்தி வாய்ந்த பொருளாதாரத்தைக் கொண்ட நாடு சீனாதான். அந்த நாடு, இலங்கையின் அபிவிருத்தி திட்டங்களுக்கும் உதவுவதற்கு தயாராக உள்ளது' என்றும்  அவர் கூறியுள்ளார்.