ஜனாதிபதியின் உத்தியோகபூர்வ கொடி அறிமுகம்

இலங்கையின் நிறைவேற்று அதிகாரம் கொண்ட ஜனாதிபதியாகப் பதவிப்பிரமாணம் செய்துகொண்டுள்ள கோட்டாபய ராஜபக்‌ஷவின் உத்தியோகபூர்வ ஜனாதிபதித் கொடி அறிமுகப்படுத்தப்பட்டுள்ளது.

இந்தக் கொடியின் நிறம், கடும் கபில நி​றத்தில் அமைந்துள்ளதுடன் தூய்மையின் சின்னமாக, வெண்தாமரை பொறிக்கப்பட்டுள்ளது. இது, ஆட்சியாளரின் தூய்மையையும் கட்டுப்பாட்டையும் விளக்கும் வகையில் அமைக்கப்பட்டுள்ளது.

நான்கு ‌மூலைகளிலும் அமைக்கப்பட்டுள்ள அரசமர இலைகள், பௌத்த மதத்தையும் அதற்கு இந்தத் தேசம் வழங்கியுள்ள முன்னுரிமை​யும் பிரதிபலிக்கிறது.

நெற்கதிர்களும் அவற்றோடு இணைந்து பொறிக்கப்பட்டுள்ள குரக்கன் மலர்களும், செழிப்பை விளக்கிக் காட்டுகின்றன.

ஜனாதிபதியின் கொடியில் காணப்படும் அனைத்துப் பாகங்களும், ஒன்றோடொன்று இணைந்தே காணப்படுவதோடு, அது அனைத்து இன மக்களுக்கிடையிலான இணைப்பையும் சமாதானத்தையும் புரிந்து​ணர்வையும் எடுத்துக் காட்டுவதாகவும் தெரிவிக்கப்படுகின்றது.