டுபாயிலிருந்து மேலுமிருவர் நாடு கடத்தப்பட்டனர்

டுபாயில் கைதுசெய்யப்பட்டு விளக்கமறியலில் வைக்கப்பட்டுள்ள பிரபல ​போதைப்பொருள் வர்த்தகரும் பாதாள உலகக் கோஷ்டியின் தலைவருமான மாகந்துரே மதுஷுடன் கைதுசெய்யப்பட்ட மேலும் இருவர், நாடு கடத்தப்பட்ட நிலையில் கட்டுநாயக்க பண்டாரநாயக்க விமான நிலையத்தில் வைத்து கைதுசெய்யப்பட்டுள்ளனர்.

அவ்விருவரும், யு.எல். 226 எனும் விமானத்திலேயே நாடு கடத்தப்பட்டனர். அந்த விமானம், இன்று காலை 5:55க்கு கட்டுநாயக்க விமான நிலையத்தை வந்தடைந்தது.

கட்டுநாயக்க குற்றப் புலனாய்வுப் பிரிவினரால் கைது செய்யப்பட்ட, பியல் புஷ்ப குமார, மொஹமட் அஸ்ரிடீ மொஹமட் இன்ஹாம் ஆகிய இருவரிடமும் புலனாய்வுப் பிரிவினர் விசாரணைகளை மேற்கொண்டு வருகின்றனர்.