’டொக்டர் ஜெயருவன் கூறியது பொய்’

நாட்டில் தயாரிக்கப்பட்ட தைரொக்ஸின் மருந்தின் தரத்தை சவால் செய்து டொக்டர் ஜெயருவன் பண்டார வெளியிட்ட அறிக்கை முற்றிலும் உண்மைக்கு புறம்பானது என்று இராஜாங்க அமைச்சர் சன்ன ஜெயசுமன தெரிவித்துள்ளார்.

“தைரொக்ஸின் இரத்மலானையில் உள்ள ஒரு தொழிற்சாலையில் தயாரிக்கப்பட்டாலும், நாங்கள் அதை இன்னும் சந்தைக்கு வெளியிடவில்லை.

செப்டம்பரில் சந்தைக்கு வெளியிட திட்டமிட்டிருந்தோம். ஆனால் இந்த அறிக்கையை வெளியிட்ட நபர் என்ன சொன்னார்? 

இந்த தைராக்ஸின் மருந்தை குடித்த நோயாளிகள், அது எந்த விளைவையும் ஏற்படுத்தாது என்று கூறியதாகக் கூறுகிறார். அது அப்பட்டமான பொய்" என்று இராஜாங்க அமைச்சர் குறிப்பிட்டுள்ளார்.