தனமல்வில துப்பாகிப் பிரயோகம்: 3 குழுக்கள் நியமனம்

தனமல்வில பகுதியில் நடத்தப்பட்ட துப்பாக்கிப் பிரயோகம் தொடர்பான விசாரணைகளுக்கு, 3 குழுக்கள் நியமிக்கப்பட்டுள்ளன.

துப்பாக்கிப் பிரயோகம் நடத்தப்பட்ட இடத்திலிருந்த, சி.சி.ரீ.வி கமெராவில் பதிவாகியுள்ள காட்சிகளை ஆதாரமாகக் கொண்டு, விசாரணைகள் ஆரம்பிக்கப்பட்டுள்ளன என பொலிஸார் தெரிவித்துள்ளனர்.

தனமல்வில பகுதியில், நேற்று நண்பகல் 12.20 மணியளவில் நடத்தப்பட்ட துப்பாக்கிப் பிரயோகத்தில், 42 வயதான நபரொருவர் உயிரிழந்ததுடன், 22 வயதான இளைஞனொருவர் காயமடைந்தார்.

துப்பாக்கி பிரயோகத்தில் உயிரிழந்தவர், கடந்த 6 மாதங்களுக்கு முன்னர் இடம்பெற்ற கொலைச் சம்பவம் தொடர்பில் சந்தேகத்தின் பேரில் கைது செய்யப்பட்டு பின்னர், பிணையில் விடுதலை செய்யப்பட்டனர் என்பது குறிப்பிடத்தக்கது.