தென் சூடானுக்கு பயணமாகியுள்ள இலங்கை இராணுவம்

ஐக்கிய நாடுகளின் அமைதிப் படையில் கடமையாற்றுவதற்காக, 11 அதிகாரிகள் உள்ளிட்ட 61 இராணுவ சிப்பாய்கள் இலங்கையிலிருந்து தென் சூடான் நோக்கி பயணமாகியுள்ளனர்.

இன்று அதிகாலை இவர்கள் தென் சூடானுக்கு பயணமாகியுள்ளனர்.

இலங்கையிலிருந்து தென் சூடானுக்கு பயணமாகியுள்ள 6ஆவது குழு இதுவென்றும் தெரிவிக்கப்பட்டுள்ளது.

ஒரு வருட கடமைகளுக்காக இக்குழுவினர் இன்று சென்றுள்ள அதேவேளை, தென்சூடானில் வெற்றிகரமாக தமது கடமைகளை முடித்துக்கொண்ட 5ஆவது இராணுவக் குழுவினர் இன்று நாடு திரும்பியுள்ளனர்.