தேர்தலை பிற்போடுவது குறித்து மஹிந்த கவலை

மாகாண சபைகள் தேர்தலை பிற்போடுவது தொடர்பில், நாட்டுப் பிரஜை என்ற ரீதியில் கவலையடைவதாக, தேர்தல்கள் ஆணைக்குழுவின் தலைவர் மஹிந்த தேசப்பிரிய தெரிவித்துள்ளார்.

இன்று தேர்தல்கள் ஆணைக்குழு சபையில் இடம்பெற்ற ஊடகவியலாளர் சந்திப்பின் போதே அவர் இவ்வாறு தெரிவித்துள்ளார்.

தற்போது இந்த வருடத்துக்கான தேர்தல் வாக்காளர் பெயர் பட்டியல் தயாரிப்பு பணிகள் நிறைவடைந்துள்ளதாகவும், அந்த பட்டியலுக்கு அமைய, கடந்தாண்டை விட இந்தாண்டு வாக்காளர் எண்ணிக்கை 230650 ஆக அதிகரித்துள்ளதாகவும், அவர் தெரிவித்துள்ளார்.

அத்துடன் இவ்வாறு தேர்தல்கள் பிற்போடுவது குறித்து, கடந்த 11ஆம் திகதி இடம்பெற்ற கட்சி பிரிதிநிதிகளுடனான சந்திப்பில் தனது எதிர்ப்பை வெளியிட்டதாகவும் மஹிந்த தேசப்பிரிய தெரிவித்துள்ளார்.