நில அதிகாரிக்கு 22 ஆண்டுகள் சிறை

மரம் வெட்ட அனுமதி வழங்குவதற்காக நில உரிமையாளரிடமிருந்து ரூ.100,000 லஞ்சம் பெற்றதாக குற்றம் சாட்டப்பட்ட நில அதிகாரிக்கு கொழும்பு மேல் நீதிமன்ற நீதிபதி சுஜீவ நிஸ்ஸங்க 22 ஆண்டுகள் சிறைத்தண்டனை புதன்கிழமை (25)  விதித்தார்.

தம்புத்தேகம மகாவலி பகுதியில்மரம் வெட்ட அனுமதி வழங்குவதற்காகவே நில உரிமையாளரிடம் இருந்து இவ்வாறு லஞ்சம் பெற்றுள்ளார்.

மேலும், குற்றம் சாட்டப்பட்டவருக்கு ரூ.30,000 அபராதம் விதித்த நீதிபதி வி.எம். கமல் மஞ்சுள, குற்றம் சாட்டப்பட்டவரிடமிருந்து லஞ்சமாகப் பெற்ற ரூ.100,000 ஐ அபராதமாக வசூலிக்கவும் உத்தரவிட்டார்.

  அபராதமாக ரூ.100,000 ஐ வசூலிக்க உத்தரவிட்ட நீதிபதி, பாதிக்கப்பட்ட மர ஆலை உரிமையாளருக்கு ரூ.100,000 இழப்பீடு வழங்கவும் குற்றம் சாட்டப்பட்டவருக்கு உத்தரவிட்டார்.

அபராதம் மற்றும் இழப்பீடு செலுத்தப்படாவிட்டால் லேசான வேலையுடன் ஒரு வருடம் சிறைத்தண்டனையும் விதித்த நீதிபதி, பிரதான தண்டனையுடன் கூடுதலாக மூன்று ஆண்டுகள் லேசான சிறைத்தண்டனையை அனுபவிக்க வேண்டும் என்றும் உத்தரவிட்டார்.

தற்போது 67 வயதாகும் பிரதிவாதி, ஓய்வு பெற ஆறு மாதங்கள் மீதமுள்ள நிலையில் செய்த குற்றத்திற்காக குற்றவாளி என்பதால், அவர் தனது ஓய்வூதியத்தையும் இழப்பார். பெறப்பட்ட புகாரின்படி, 18.3.2016 அன்று கைது செய்யப்பட்ட பிரதிவாதிக்கு எதிராக ஆறு குற்றச்சாட்டுகளின் கீழ் வழக்குத் தொடரப்பட்டது,

இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழுவால் பிரதிவாதிக்கு எதிராகக் கொண்டுவரப்பட்ட ஆறு குற்றச்சாட்டுகளும் நியாயமான சந்தேகத்திற்கு இடமின்றி  நீண்ட விசாரணைக்குப் பிறகு நிரூபிக்கப்பட்டுள்ளதாக நீதிபதி முடிவு செய்தார்.