‘நாட்டில் மீண்டும் பொருளாதார அபிவிருத்தியை ஏற்படுத்துவேன்’

நாம் ஆரம்பித்த அபிவிருத்தி திட்டங்கள் பல வாரங்களாக இடைநிறுத்தப்பட்டதால், நாடு சரிவை எதிர்நோக்கியுள்ளது. எனவே முதலாவதாக நாட்டை சாதாரண நிலைக்குக் ​கொண்டு வந்து அபிவிருத்தியை மீண்டும் ஏற்படுத்தவுள்ளதாக பிரதமர் ரணில் விக்கிரமசிங்க தெரிவித்துள்ளார்.

இன்று காலை பிரதமராகப் பதவியேற்ற பின்னர் ஆற்றிய விசேட உரையிலேயே பிரதமர் இவ்வாறு தெரிவித்துள்ளார்.

முன்னைய ஆட்சிகளின் போது, நாடு எதிர்நோக்கிய பொருளாதார நிலையைச் சரி செய்வற்கு கடந்த 3 வருடங்களாக மக்கள் பல கஷ்டங்களை எதிர்கொண்டனர். அதன் பலனை மக்களுக்கு பெற்றுக்கொடுப்பதற்கான வேலைத்திட்டங்கள் முன்னெடுக்கப்பட்ட போதே இந்தப் பிரச்சினை உருவானது.  எனினும் இதைவிட சிறந்த பொருளாதார நிலையை மக்களுக்குப் பெற்றக்கொடுப்பதாகவும் பிரதமர் ரணில் விக்கிரமசிங்க உறுதியளித்துள்ளார்.