பற்சிகிச்சைகளை மட்டுப்படுத்த நடவடிக்கை

கொரோனா வைரஸ் தொற்று வேகமாகப் பரவிச் செல்வதன் காரணமாக, பொதுமக்களின் நலன் கருதி நாடு பூராகவுமுள்ள பற்சிகிச்சை நிலையங்களில் முன்னெடுக்கப்படும் பற்சிகிச்சைகளை மட்டுப்படுத்த நடவடிக்கை எடுத்துள்ளதாக, இலங்கை பற்சிகிச்சை வைத்தியர்கள் சங்கம் தெரிவித்துள்ளது.

பல்வலி, வீக்கம் உள்ளிட்ட நோய்களுடன் வரும் நோயாளர்கள்,  பற்கள் தொடர்பான திடீர் நோய்களுக்காக வருபவர்களுக்கு தேவையான சிகிச்சை என்பன உரியமுறையில் முன்னெடுக்கப்படுமென, அச்சங்கம் தெரிவித்துள்ளது.

எனினும் பல் நிரப்புதல், சுத்தப்படுத்தல், பற்களை பிடுங்குதல், சிறுவர்களுக்கான சிகிச்சைகள் என்பவற்றை​யே மட்டுப்படுத்த நடவடிக்கை எடுத்துள்ளதாக இலங்கை பற்சிகிச்சை வைத்தியர்கள் சங்கம் தெரிவித்துள்ளது.