பஸ் கட்டணம் 2 சதவீதம் குறையும்

ஜூலை மாதம் முதல் பேருந்து கட்டணத்தை 2% குறைக்க நடவடிக்கை எடுக்கப்படும் என்று தனியார் பேருந்து சங்கங்களுக்கு அரசாங்கம் புதன்கிழமை (25) அறிவித்துள்ளது.

ஜூலை 1 ஆம் திகதி திட்டமிடப்பட்ட வருடாந்திர பேருந்து கட்டண திருத்தம் குறித்து விவாதிக்க போக்குவரத்து அமைச்சின் அதிகாரிகள் மற்றும் தனியார் பேருந்து சங்கங்களின் பிரதிநிதிகளுக்கு இடையே நடந்த சந்திப்பின் போது இந்த அறிவிப்பு வெளியிடப்பட்டது.

இருப்பினும், கலந்துரையாடல்களின் போது முன்மொழியப்பட்ட கட்டணக் குறைப்பு குறித்து பேருந்து சங்கங்கள் தங்கள் அதிருப்தியை வெளிப்படுத்தியதாக தெரிவிக்கப்பட்டது.