மக்களுக்கு விநியோகிக்க உணவு தயாரித்தவர் கைது

துசித குமார 

ஊரடங்கு உத்தரவை மீறி, எவ்வித முன் அனுதியும் இன்றி, சுகாதார ஆலோசனைகளைக் கருத்திற்கொள்ளாது, மக்களுக்கு விநியோகிப்பதற்காக உணவு தயாரித்த ஒருவர், நேற்று(25) மாலை பேருவளை பகுதியில் கைதுசெய்யப்பட்டுள்ளார். 

அத்துடன், குறித்த நபர் உணவு தயாரிப்பதற்காகப் பயன்படுத்திய பெருமளவு பொருட்களையும் பொலிஸார் கைப்பற்றியுள்ளனர். 

பேருவளை பகுதி அதிக அவதானமிக்க வலயமாக அறிவிக்கப்பட்டுள்ள நிலையில், மக்களை ஒன்றுதிரட்டி உணவு விநியோகிப்பதானது, சுகாதாரப் பிரச்சினைகளுக்கு வழிவகுக்குமென, பொலிஸார் தெரிவித்துள்ளனர். 

கைதுசெய்யப்பட்ட நபரை நீதிமன்றில் ஆஜர்படுத்த, பேருவளை பொலிஸார் நடவடிக்கை எடுத்துள்ளனர்.