மட்டக்களப்பில் கட்டுத்துவக்கு வெடித்து சிறுவன் உயிரிழப்பு; மூவர் கைது

கனகராசா சரவணன், க.விஜயரெத்தினம்

மட்டக்களப்பு, கரடியனாறு , கித்துள் பகுதியில் கட்டுத்துவக்கு வெடித்ததில்  13 வயதான  சிறுவன் உயிரிழந்துள்ளார்.

4 பேரடங்கிய குழுவொன்று நேற்று மாலை, வேட்டையாடுவதற்கு சென்ற நிலையில் அவர்கள் கொண்டுசென்ற கட்டுத்துவக்கு தவறுதலாக இயங்கியதில் சிறுவன் காயமடைந்துள்ளார்.

கரடியனாறு வைத்தியசாலையில் அனுமதிக்கப்பட்டு மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு மாற்றப்பட்ட சிறுவன் சிகிச்சை பலனின்றி உயிரிழந்துள்ளதாக பொலிஸார் தெரிவித்துள்ளனர்.

இதனையடுத்து, வேட்டையாடுவதற்கு சென்ற  22, 20, 14 , வயதுடைய மூவரை பொலிஸார்  கைதுசெய்துள்ளனர்.