மின்சாரக் கம்பியில் சிக்குண்டு முதியவர் மரணம்

மட்டக்களப்பு - போரதீவுப்பற்று, வெல்லாவெளி பொலிஸ் பிரிவுக்குட்பட்ட தும்பங்கேணி கிராமத்தில் நேற்று மாலை (11) மின்சாரக் கம்பியில் சிக்குண்டு 70 வயதான முதியவர் ஒருவர் உயிரிழந்துள்ளார். 

சம்பவத்தில் போரதீவுப்பற் பகுதியைச் சேர்ந்த மூன்று பிள்ளைகளின் தந்தையான 70 வயதான தங்கராசா - சுந்தரராசி என்பவரே உயிரிழந்துள்ளதாக கூறப்படுகிறது. 

வீட்டுக்கு தற்காலிக மின்சார இணைப்பை பெற முற்பட்டபோது மின்சாரம் தாக்கி, அயலவர்களின் உதவியுடன் பழுகாமம் பிரதேச வைத்தியசாலைக்கு கொண்டு சென்ற போதிலும் சிகிச்சைப் பலனின்று உயிரிழந்தாகவும் பொலிஸார் தெரிவித்தனர்.  R