மருந்துகளை வாங்குவதற்கு புதிய விதிமுறைகள்

வெளி மருத்துவமனைகளில் இருந்து கிடைக்காத மருந்துகள் மற்றும் அறுவை சிகிச்சை பொருட்களை வாங்குவதற்கான புதிய விதிமுறைகளை கோடிட்டுக் காட்டும் சிறப்பு சுற்றறிக்கையை சுகாதார சேவைகள் இயக்குநர் ஜெனரல் டாக்டர் அசேல குணவர்தன  வெளியிட்டார்.

டாக்டர் அசேல குணவர்தன திங்கட்கிழமை (16) அன்று வெளியிட்டுள்ள சுற்றறிக்கையிலேயே மேற்கண்டவாறு குறிப்பிட்டுள்ளார்.

குறித்த சுற்றறிக்கையின்படி, மருத்துவமனையிலோ அல்லது மருத்துவ விநியோகப் பிரிவிலோ (MSD) தேவையான பொருள் கிடைக்கவில்லை என்பது உறுதிசெய்யப்பட்டால், நோயாளியின் சம்மதத்துடனும் நிறுவனத் தலைவரின் முழுப் பொறுப்பின் கீழும் மட்டுமே மருத்துவர்கள் வெளிப்புற கொள்முதல் செய்ய பரிந்துரைக்கலாம்.

அனைத்து வெளிப்புற மருந்துச் சீட்டுகளும் முறையான மருத்துவ நெறிமுறைகளைப் பின்பற்ற வேண்டும் என்றும், நிறுவனத் தலைவர்கள் மருந்து கிடைப்பது குறித்து மருத்துவர்களுக்குத் தொடர்ந்து புதுப்பிக்க வேண்டும் என்றும் வழிகாட்டுதல்கள் வலியுறுத்துகின்றன.

நோயாளி அல்லது அவர்களது உறவினர்களுக்குத் தெரிவித்த பின்னரே மருத்துவர்கள் வெளிப்புற மருந்துச் சீட்டுகளை வழங்கலாம், மேலும் இதுபோன்ற அனைத்து நிகழ்வுகளும் நியமிக்கப்பட்ட பதிவேட்டில் பதிவு செய்யப்பட வேண்டும்.

மாதாந்திர அறிக்கைகளும் MSD க்கு சமர்ப்பிக்கப்பட வேண்டும்.

நிறுவனத் தலைவரின் முன் ஒப்புதலுடன் வெளிப்புறமாக நடத்தப்படும் உள்நாட்டில் கிடைக்காத மருத்துவப் பரிசோதனைக்கும் இதே நடைமுறை பொருந்தும் என்று சுற்றறிக்கை மேலும் கூறுகிறது.