மஹரகமையில் தீப்பரவல் கட்டடமொன்று முழுமையாக சேதம்

இன்று அதிகாலை 3 மணியளவில் மஹரகம பொலிஸ் பிரிவிற்குட்பட்ட பன்னிப்பிட்டிய பிரதேசத்தில் அமைந்துள்ள 4 மாடிக் கட்டடம் ஒன்றில் ஏற்பட்ட திடீர் தீப்பரவல் காரணமாக, குறித்த கட்டடம் முழுமையாக சேதமடைந்துள்ளது.

கடதாசி பைகளை தயாரிக்கும் கட்டடம் ஒன்றிலேயே இத் தீப்பரவல் சம்பவம் இடம்பெற்றுள்ள நிலையில், தெஹிவளை - கல்கிஸ்ஸ, கோட்டே நகர சபையின் தீயணைப்பு வாகனங்களின் உதவியுடன் தீ கட்டுபாட்டுக்குள் கொண்டு வரப்பட்டுள்ளது.

எனினும் குறித்த கட்டடம் முழுமையாக சேதமடைந்துள்ள நிலையில், இத் தீப்பரவலுக்கான காரணம் குறித்த விசாரணைகளை மஹரகம பொலிஸார் முன்னெடுத்து வருவதாகத் தெரிவித்துள்ளனர்.