மாத்தறை – ஹம்பாந்தோட்டை நெடுஞ்சாலை விரைவில் திறக்கப்படும்

தெற்கு அதிவேக நெடுஞ்சாலையின் மாத்தறை, கொடகமவில் இருந்து ஹம்பாந்தோட்டை வரையான வீதி இந்த வருட இறுதிக்குள் போக்குவரத்துக்கு திறக்கப்படும் என்று, வீதி அபிவிருத்தி அதிகாரசபை கூறியுள்ளது.

இதன் மொத்த தூரம் 96 கிலோமீற்றர் ஆகும். இது 04 கட்டங்களாக நிர்மாணிக்கப்பட்டுள்ளது.

இதன் முதற்கட்டம் கொடகம முதல் பெலியத்தை வரையிலும், இரண்டாம் கட்டம் பெலியத்தை முதல் வெடிய வரையிலும், மூன்றாம் கட்டம் வெடிய முதல் அந்தருவெவ வரையிலும், நான்காம் கட்டம் மத்தளை வரையிலும் நிர்மாணிக்கப்பட்டுள்ளது.

இந்த திட்டத்துக்காக செலவிடப்பட்டுள்ள மொத்த தொகை 242 பில்லியன் ரூபாயாகும்.