மின் துண்டிப்பு தொடர்பான அறிவிப்பு

நாடளாவிய ரீதியில் இன்று முதல் மூன்று மணித்தியாலத்திற்கு மேற்பட்ட காலப்பகுதிக்கு  மின் விநியோகத் தடை அமுல்படுத்தப்படவுள்ளதாக இலங்கை பொதுப் பயன்பாடுகள் ஆணைக்குழு தெரிவித்துள்ளது. 

இதன்படி  மூன்று மணித்தியாலமும் 40 நிமிடங்களும் மின் விநியோகத்தடை அமுல்படுத்தப்படவுள்ளதாக குறிப்பிட்டுள்ளது.

'ஏ'  முதல் 'டபிள்யூ' வரையான வலயங்களில் முற்பகல் 9 மணி முதல் மாலை 5 மணி வரையான காலப்பகுதியில் இரண்டு மணித்தியாலம் மின் விநியோகத்தடை அமுல்படுத்தப்பட உள்ளது.

அத்துடன் குறித்த  வலயங்களில் மாலை 5 மணி முதல் இரவு 10 மணி  வரையான  காலப்பகுதியில் ஒரு மணித்தியாலமும் 40 நிமிடங்களும் மின் விநியோகத்தடை அமுல்படுத்தப்படவுள்ளதாக பொது பயன்பாடுகள் ஆணைக்குழு தெரிவித்துள்ளது.

'சி சி' பகுதியில் காலை 6 மணி முதல் 9 மணி வரையிலான காலப்பகுதியில்  மூன்று மணித்தியாலம்  மின்விநியோகத் தடை அமுல்படுத்தப்படவுள்ளது.

மேலும்,'எம்' முதல் 'இஸட் வரையான வலயங்களில் காலை 5 மணி முதல் 8 மணி வரையிலான காலப்பகுதியில்  மூன்று மணித்தியால மின் விநியோகத் தடை அமுல்படுத்தப்படவுள்ளதாக   இலங்கை பொதுப் பயன்பாடுகள் ஆணைக்குழு தெரிவித்துள்ளது.  (a)