முக்கொலை சந்தேகநபர் வைத்தியசாலையில் அனுமதி

இந்த முக்கொலை தொடர்பில் சந்தேகத்தின் பேரில் கைது செய்யப்பட்ட வெலிமடை பிரதேசத்தில் வசிக்கும் 36 வயதுடைய நபரை, நீதவான் நீதிமன்றத்தில் இன்று ஆஜர்படுத்த நடவடிக்கை எடுத்திருந்ததாக பொலிஸார் தெரிவித்தனர்.

குற்றபுலனாய்வுத் துறை அதிகாரிகள் முன்னெடுத்த விசேட  நடவடிக்கையை அடுத்து, பஸ்யாலை பிரதேசத்தில் வைத்து குறித்த சந்தேகநபர் நேற்று திங்கட்கிழமை (14)  கைதுசெய்யப்பட்டுள்ளார்.

சந்தேகநபர், குறித்த வீட்டில் இருந்த கோழிப் பண்ணையில் பணிபுரிந்தவர்  என்பதுடன் வீட்டில் இருந்த தாய், தந்தை மற்றும் மகள் ஆகிய மூவரையும் கொலை செய்திருந்ததுடன் வீட்டிலிருந்த வாகனத்தை எடுத்துகொண்டு தப்பிச்சென்றிருந்தமை குறிப்பிடத்தக்கதாகும்.