ரக்ன லங்கா: காமினி ஜயசுந்தர நீக்கம்

பாரிய மோசடிகள் மற்றும் ஊழல் தடுப்பு ஜனாதிபதி ஆணைக்குழுவினால் நடாத்தப்பட்ட விசாரணையில், தவறான ஆதாரங்களை வழங்கியதன் காரணமாக ரக்ன லங்கா தனியார் பாதுகாப்பு நிறுவனத்தின் பொது முகாமையாளர் மேஜர் ஜெனரல் காமினி ஜயசுந்தர, அவரது பொறுப்பில் இருந்து உடனடியாக அமுலுக்கு வரும் வகையில் நீக்கப்பட்டுள்ளார்.

பொது முகாமையாளர் பொறுப்பில் இருந்து உடனடியாக அமுலுக்கு வரும் வகையில் ஜயசுந்தர நீக்கப்பட்டுள்ளதாக, மேற்படி நிறுவனத்தின் தலைவரான விக்டர் சமரவீர தெரிவித்துள்ளார். இவ்விடயம், ஜனாதிபதி ஆணைக்குழுவுக்குத் தெரியப்படுத்தப்பட்டுள்ளதாக அவர் மேலும் தெரிவித்தார்.

ரக்ன லங்கா நிறுவனத்தை காமினி ஜயசுந்தர இழிவுபடுத்தியுள்ளதாகவும், கடினமானதொரு நிலைக்கு நிறுவனத்தை இட்டுச் சென்றமையை அடுத்தே இந்த முடிவு எடுக்கப்பட்டுள்ளது.  

ஜயசுந்தர, விசாரணைகளின்போது பொய்யான ஆதாரத்தை அளித்ததாக  நிரூபணமானதையடுத்து, அவர் மீது ஏன் சட்டரீதியாக நடவடிக்கை எடுக்கப்படமுடியாது என விளக்கம் கோரப்பட்டுள்ளதாக, ஜனாதிபதி ஆணைக்குழுவின் செயலாளர் லசிலி டீ சில்வா தெரிவித்துள்ளார்