ரணில் கைது; ஐ.தே.கவினர் மகாநாயக்க தேரருடன் சந்திப்பு

ஐக்கிய தேசியக் கட்சியின் (UNP) பிரதித் தலைவர் ருவான் விஜேவர்தன, கட்சியின் பொதுச் செயலாளர் தலதா அதுகோரல மற்றும் பல மூத்த கட்சி உறுப்பினர்கள்  அஸ்கிரிய மகா விஹாரையில் சியாம் மகா நிக்காயவின் அஸ்கிரிய பீடத்தின் மகாநாயக்கர் வரகாகொட ஸ்ரீ ஞானரத்ன தேரரை  இன்று (26) காலைசந்தித்தனர்.

இந்தச் சந்திப்பின் போது, ​​முன்னாள் ஜனாதிபதி ரணில் விக்கிரமசிங்க தொடர்பான விஷயங்கள் மற்றும் நாட்டின் தற்போதைய அரசியல் மற்றும் பொருளாதார நிலைமை குறித்து ஐக்கிய தேசியக் கட்சி பிரதிநிதிகள் மகாநாயக்க தேரர் மற்றும் மகா சங்கத்தினருக்கு விளக்கினர்.

தற்போது கொழும்பு தேசிய மருத்துவமனையில் சிகிச்சை பெற்று வரும்  விக்ரமசிங்கவுக்கு மகா சங்கத்தினர் தமது ஆசிர்வாதங்களை வழங்கினர்.