‘ரணிலை வெளியேற்ற இராணுவத்தை பயன்படுத்தமாட்டோம்’

ரணில் விக்கிரமசிங்கவை அலரி மாளிகையில் இருந்து வெளியேற்ற இராணுவத்தினரைப் பயன்படுத்தப் போவதில்லையென, நாமல் ராஜபக்ஷ தெரிவித்துள்ளார்.

பி.பி.சி சிங்கள சேவைக்கு வழங்கிய ​செவ்வியிலேயே அவர் இவ்வாறு தெரிவித்துள்ளார்.

அத்துடன் ரணில் விக்கிரமசிங்க அலரி மாளிகையில் இருந்து வெளியேறுவதற்கான கால அவகாசம் வழங்குவதற்கு தயாராகவிருப்பதாகவும் நாமல் குறிப்பிட்டுள்ளார்.

நாம் எவ்விதத்திலும் பாதுகாப்பு பிரிவைப் பயன்படுத்தி ரணிலை ​அலரிமாளிகையில் இருந்து வெளியேற்றமாட்டோம். அவர் தற்போது முன்னாள் பிரதமர் என்பதால், அவர் அங்கிருந்து வெளியேற கால அவகாசம் வழங்கப்படும் என்று நாமல் தெரிவித்துள்ளார்.