விபத்தில் குடும்பஸ்தர் உயிரிழப்பு

வவுனியா, கனகராயன்குளம் - கொல்லர்புளியங்குளம் பகுதியில் நேற்று இடம்பெற்ற விபத்தில் சைக்கிளில் பயணித்த ஒருவர் பரிதாபகரமாக உயிரிழந்துள்ளார்.  

யாழ்ப்பாணத்தில் இருந்து வவுனியா நோக்கி வந்து கொண்டிருந்த கென்ரர் ரக வாகனம் கொல்லர்புளியங்குளம் பகுதியில் சென்று கொண்டிருந்த போது எதிரே சைக்கிளில் பயணித்த நபருடன் மோதி விபத்துக்குள்ளாகியது.

இந்த விபத்தில் சைக்கிளில் பயணித்த நபர் படுகாயமடைந்த நிலையில் மாங்குளம் வைத்தியசாலையில் அனுமதிக்கப்பட்டார். எனினும், அவர் சிகிச்சை பலனின்றி உயிரிழந்தார்

சம்பவத்தில் அதே பகுதியைச் சேர்ந்த முத்து இராமலிங்கம் (வயது 61) என்ற குடும்பஸ்தரே சாவடைந்தார்.

விபத்து தொடர்பாக கனகராயன்குளம் பொலிஸார் விசாரணைகளை முன்னெடுத்து வருகின்றனர். (a)