விபத்தில் தாய் - மகள் உயிரிழப்பு

தொம்பே பிரதேசத்தில் இடம்பெற்ற வாகன விபத்தில் ஒரே குடும்பத்தை சேர்ந்த தாய் மற்றும் மகள் ஆகியோர் உயிரிழந்துள்ளனர்.

மோட்டார் வாகனம் மற்றும் மோட்டார் சைக்கிள் மோதியதில் நேற்று (10) இந்த விபத்து இடம்பெற்றுள்ளது.

மோட்டார் சைக்கிளில் பயணித்த  தாய் மற்றும் மகள் ஆகியோர்  படுகாயமடைந்த நிலையில் தொம்பே வைத்தியசாலையில் அனுமதிக்கப்பட்டனர்.

எனினும், சிகிச்சை பலனின்றி இருவரும் உயிரிழந்ததாக பொலிஸார் தெரிவித்துள்ளனர்.

42 வயதுடைய தாய் மற்றும் 19 வயது மகள் ஆகியோரே விபத்தில் உயிரிழந்துள்ளனர்.

மோட்டார் வாகனத்தின் சாரதி கைதுசெய்யப்பட்டுள்ளார்.