விபத்தில் பெண்கள் இருவர் உயிரிழப்பு

தெற்கு அதிவேக நெடுஞ்சாலையில் தொடங்கொட பொலிஸ் பிரிவுக்கு உட்பட்ட பகுதியில் நேற்று (25) இரவு இடம்பெற்ற விபத்தில் 2 பெண்கள் உயிரிழந்துள்ளனர்.

மாத்தறையில் இருந்து கொழும்பு நோக்கி பயணித்த ஜீப் ஒன்று அதற்கு முன்னால் சென்றுக் கொண்டிருந்த லொறியின் பின்னால் மோதி விபத்துக்கு உள்ளாகியுள்ளது.

ஜீப் வாகனத்தின் சாரதி மற்றும் அதில் பயணித்த 4 பெண்கள் படுகாயமடைந்த நிலையில்,  நாகொடை, பண்டாரகம மற்றும் ஹொரணை வைத்தியசாலையில் அனுமதிக்கப்பட்டுள்ளனர்.

இதன்போது, பண்டாரகம மற்றும் நாகொடை வைத்தியசாலைகளில் அனுமதிக்கப்பட்ட 2 பெண்கள் உயிரிழந்துள்ளனர்.

லொறியின் சாரதி கைது செய்யப்பட்டுள்ளார்.