விபசார விடுதி முற்றுகை: அறுவர் கைது

பலாங்கொடை பிரதேசத்தில் விபசாரத்தில் ஈடுபட்ட 3 பெண்களை பொலிஸார் நேற்று வெள்ளிக்கிழமை (07) கைது செய்துள்ளனர். மேலும், குறித்த விபசார விடுதியில் பணியாற்றிய 3 ஆண்களையும் பொலிஸார் கைது செய்துள்ளனர்.

பொலிஸாருக்கு கிடைத்த இரகசிய தகவலையடுத்து, குறித்த பகுதியை சுற்றிவளைத்த பொலிஸார், 6 பேரையும் கைது செய்துள்ளனர். எனினும், குறித்த விடுதியை நடத்திச் சென்ற வர்த்தகர் தப்பிச்சென்றுவிட்டதாக பொலிஸார் தெரிவித்தனர்.

கைது செய்யப்பட்ட மூன்று பெண்களும் எம்பிலிபிட்டிய மற்றும் கொடகாவெல பகுதியைச் சேர்ந்த 20 தொடக்கம் 22 வயதுடையவர்கள் என்று தெரியவந்துள்ளது. இது தொடர்புடைய மேலதிக விசாரணைகளை பொலிஸார் மேற்கொண்டு வருகின்றனர்.