விபத்தில் இருவர் பலி; ஒருவர் படுகாயம்

தம்புள்ளை- கெக்கிராவ பிரதான வீதியின் கைலபதன பகுதியில், நேற்று வெள்ளிக்கிழமை(01) இடம்பெற்ற வாகன விபத்தில், காரொன்றில் பயணித்த இருவர் பலியானதுடன், ஒருவர் படுகாயமடைந்த நிலையில் தம்புள்ளை வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

குறித்த வீதியால் பயணித்த காரொன்று வீதியை விட்டு விலகி, வீதிக்கருகிலிருந்த பாறையொன்றில் மோதியதாலேயே இவ்விபத்து இடம்பெற்றுள்ளது.

இவ்விபத்தில், தம்புள்ளை பகுதியைச் சேர்ந்த பயணித்த திலின சுராஜ்(வயது 35), அசித்த பெலன (வயது 30) ஆகியோர் உயிரிழந்ததுடன், ஒருவர் படுகாயமடைந்துள்ளார்.

கார், அதிக வேகத்தில் பயணித்ததாலேயே இவ்விபத்து இடம்பெற்றுள்ளதாக பொலிஸார் தெரிவித்துள்ளனர்.