2016-நிதியொதுக்கீட்டு சட்டமூலம் வெள்ளியன்று சமர்ப்பிக்கப்படும்

2016ஆம் ஆண்டுக்கான வரவு-செலவுத்திட்டத்துக்கான நிதியொதுக்கீட்டுச் சட்டமூலம் எதிர்வரும் 23ஆம் திகதி வெள்ளிக்கிழமை சமர்பிக்கப்படும் என்று அமைச்சரும் அமைச்சரவைப்பேச்சாளருமான ராஜித்த சேனாரத்ன தெரிவித்தார்.

வாராந்த அமைச்சரவை முடிவுகளை அறிவிக்கும் ஊடகவியலாளர் மாநாடு, அரசாங்க தகவல்கள் திணைக்களத்தில் நேற்று வியாழக்கிழமை (15) நடைபெற்றது.

இதன்போதே அவர் மேற்கண்டவாறு தெரிவித்தார்.

இதன் பின்னர் எதிர்வரும் நவம்பர் மாதம் 20ஆம் திகதின்று (நிதியொதுக்கீட்டுச் சட்டத்தின் இரண்டாவது  வாசிப்பு) வரவு-செலவுத்திட்ட முன்மொழிவுகளும் உரையும் நிகழ்த்தப்படவுள்ளது.

வரவு-செலவுத்திட்ட இரண்டாவது வாசிப்பின் விவாதம் 14 நாட்களுக்கு இடம்பெறும்.  

வரவு-செலவுத்திட்டத்தின் இரண்டாம் வாசிப்பு  மீதான வாக்கெடுப்பு டிசெம்பர் மாதம் 8ஆம் திகதி நடைபெறும்.  அதற்கு அடுத்துவரும் 12 நாட்களுக்கு குழுநிலை விவாதம் இடம்பெறுவதோடு, டிசெம்பர் 22ஆம் திகதியன்று,

வரவு-செலவுத்திட்டத்தின் மீது இறுதி வாக்கெடுப்பு இடம்பெறும் என்று அவர் தெரிவித்தார்.