1,428 கிலோகிராம் மஞ்சளுடன் அறுவர் கைது

இந்தியாவிலிருந்து சட்டவிரோதமாக கடத்தி வரப்பட்ட 1,428 கிலோகிராம் மஞ்சளுடன் 6 பேர் கடற்படையினரால் கைதுசெய்யப்பட்டுள்ளதுடன், மஞ்சள் கடத்துவதற்காக பயன்படுத்தப்பட்ட டிங்கி படகு, லொறி, நவீன ரக வான் என்பனவும் இலங்கை கடற்படையின் கற்பிட்டி விஜய கடற்படையினரால் இன்று அதிகாலை கைப்பற்றப்பட்டுள்ளது.

இவ்வாறு கைதுசெய்யப்பட்டவர்கள் கற்பிட்டி- கொட்டியாகும்புர பிரதேசத்தைச் சேர்ந்த, 20,26,32,33,37,43 ஆகிய வயதுடையவர்கள் என்றும் கடற்படையினர் தெரிவித்துள்ளனர்.

கைதுசெய்யப்பட்டவர்களிடம் முன்னெடுக்கப்பட்ட விசாரணைகளுக்கு அமைய, இந்த கடத்தல் வர்த்தகத்தின் பிரதான சந்தேகநபர், பாலகுடா பிரதேசத்தில் உள்ள  ஐந்து நட்சத்திர ஹோட்டல் ஒன்றில் தங்கியிருந்த போது கைதுசெய்யப்பட்டுள்ளார்.